Rəqəmi əvvəl yazırıq

Necə başladı

Zərrə 2023-cü ildə Bakıda, kiçik bir sexdə başladı. Səbəb sadə idi: rəfdəki məhsulların etiketini oxuyanda içində nə qədər nə olduğunu tapmaq mümkün deyildi.

Biz də tərsini etməyi qərara aldıq — əvvəlcə rəqəmi yazırıq, sonra məhsulu ona uyğun qururuq. Bu, bəzi məhsulların rəfə çıxmamasına səbəb oldu, çünki faizi yazanda öz-özünə görünür ki, içində iddia ediləcək bir şey yoxdur.

Harada hazırlanır

İstehsal Bakıdadır. Xammalın bir hissəsi ölkə daxilindən gəlir: nar toxumu Göyçaydan, çay Lənkərandan, fındıq Zaqataladan, palıd qabığı Qəbələdən. Laboratoriya maddələri (niasinamid, hialuron turşusu, ceramid) idxaldır və bunu gizlətmirik — “tam təbii” demirik.

Nə etmirik

• Heyvan üzərində sınaq keçirmirik.
• Məhsulun müalicə etdiyini iddia etmirik. Kosmetika dərmanın yerini tutmur.
• “Əvvəl / sonra” fotoları istifadə etmirik. Onları hazırlamaq işıqla bir dəqiqəlik işdir.